दिनांक 26 जुलै २०२५
वर्धा-हिंगणघाट मार्गावरील धोत्रा चौरस्ता येथे एक गंभीर अपघात घडला. वर्धा येथून हिंगणघाटकडे जाणारी प्रवासी बस आणि पेट्रोल पंपावरून निघणाऱ्या ट्रेलर यांच्यात जोरदार धडक झाली.
या अपघातात बसचालक गंभीर जखमी झाला असून, १० ते १२ प्रवासी जखमी झाले आहेत. सर्व जखमींना तात्काळ पोलीस आणि स्थानिक नागरिकांच्या मदतीने सेवाग्राम रुग्णालयात दाखल करण्यात आले आहे.
प्राथमिक माहितीनुसार, ट्रेलर चालकाने रस्ता न पाहता अचानक रस्ता ओलांडण्याचा प्रयत्न केला, आणि त्यावेळी समोरून येणाऱ्या बसला धडक दिली.
या अपघातामुळे मार्गावरील वाहतूक काही काळासाठी ठप्प झाली होती.
घटनेनंतर अल्लीपूर पोलीस निरीक्षक विजय घुले यांनी घटनास्थळी पोहोचून वाहतूक सुरळीत केली.
या प्रकरणाचा पुढील तपास पोलीस प्रशासन करत आहे.
